fbpx
الأربعاء , يونيو 16 2021

إذا كنتم حمقى فاستتروا يرحمكم الله

حاتم الغزال

العلاج الكيماوي للسرطان هو عبارة على مواد كيميائية تتعطى للمريض لقتل الخلايا السرطانية…

ولكن لسوء الحظ المواد هاذي تأثر في نفس الوقت على خلايا الجسم السليمة وهذاكا هو سبب الأعراض الجانبية الخايبة الي يتصاب بيها المريض… ثمه مئات آلاف المرضى الي يتحملو الأعراض الجانبية هاذي الكل على أمل انو الدواء يقضي او على الاقل يوقف إنتشار المرض في بدنهم…
وثمة الاف العلماء والباحثين الي يخدمو على تطوير الادوية هاذي باش تصير موجهة اكثر للخلايا السرطانية وما تقتلش الخلايا السليمة… وثمة آلاف الاشخاص والمؤسسات العلمية والخيرية إلي تمول في الأبحاث هاذي وثمة شركات أدوية ميزانياتها أكبر من ميزانيات دول الي تستثمر في الأبحاث هاذي باش في يوم من الأيام تصنع دواء يكون مفعولو أفضل وبطبيعة الحال يتباع بأسعار مرتفعة إذا أثبت مفعولو…
وبعد يطلعلك كل نهار واحد ينشر علينا في الجهل المقدس متاعو على الفايسبوك على العشبة السحرية الي تقضي على الخلايا السرطانية وعلى الثوم والبصل والبص متاعو الي اثبتو انهم أفضل من الادوية الكيماوية الي هي كذبة عملتها شركات يهودية ماسونية ويحذر فينا من استعمالها… يا خويا احشم على روحك شوية واتصور لحظة واحدة شعور مريض يستعمل في الأدوية هاذي كي يقرى كلامك…

شاهد أيضاً

صليب "نوتردام" لا يرمز للدين

حاتم الغزال سنة 1998 كان يشرف على بحثي في ماجستير الوراثة بروفيسور فرنسي من الغوادلوب …

الصيدلية المركزية تعمل بنفس وسائل الستينيات

حاتم الغزال الصيدلية المركزية للبلاد التونسية تأسست قبل الاستقلال كمجرد مستودع للأدوية ثم بداية من …

اترك رد