fbpx
الأحد , يونيو 13 2021

والله شيء يحشم يا سي حسين ؟؟؟

ماهر العباسي

حسين العباسي : طلبنا مالحكومة تزيد تعطينا معطيات خاطر المعطيات الي عنا ماتسمحلناش باش ناخذو موقف

يا أستاذ حسين ياخي موش انت الي خرجت نهار الخميس تحكي بثقة في النفس على الرفض القاطع لاقتراح الحكومة وخرج بلڤاسم العياري يرفض قطعيا وهبطو بيان ترفضو فيه قطعيا والصفحة الرسمية متاع الاتحاد بدلت تصويرتها وحطت كلمة لا …

صار إنتوما عملتو هذا الكل وانتوما ماعندكمش المعطيات الكل ؟؟؟ صار هكة انتوما تتعاملو مع القضايا المصيرية متاع البلاد ؟؟ هكة بعربدة الضوضاء قبل ماتسمعو الأسباب والمعطيات ؟؟ هكة سي حسين في بالنا الإتحاد بخبراؤو أكبر قوة في البلاد ماياخو قرار الا برصانة وتروي ودراسة… هكة تتراڤصو وتنڤزو كي الأولاد الصغار وبعد تقولو خلينا ندرسو المعطيات ؟؟ والله شيء يحشم سي حسين ؟؟؟

حاصيلو هاو أنا لاني منظمة عريقة لاني اكبر قوة في البلاد لا عندي خبراء ونقلك ياسي حسين الي انت باش تقبل بتأجيل الزيادة في الأجور وأهيكا مرشومة عالحيط .

شاهد أيضاً

بهدوء شديد وباش مايغلطوكمش

ماهر العباسي ليبيا فيها زوز قوى ⇐ الشرق الي هو تابع حفتر القريب من الإمارات …

هؤلاء أعادوا التجمع إلى السلطة ؟؟

نصر الدين السويلمي عندما نستمع الى الكثير من الأصوات في تونس تنصح الشعب الجزائري بالقضاء …

اترك رد