fbpx
الإثنين , يونيو 14 2021

ترضاو ياتوانسة يصير هكة في طبتكم ؟؟

ماهر العباسي
إتهمونا وشوهونا وسبونا وردونا سراق وماناش وطنيين ومجرمين ندلسو ونقتلو في المرضى عمدا والنتيجة مواطن تونسي نظيف خدام بو عايلة وولد عايلة يرميوه في الحبس خاطر فمة شبهة الي هو عمل غلطة وهو يداوي ويحاول ينقذ مريضو… خاطر شبهة المواطن هذا يعمل جلطة وهو في الحبس… خاطر شبهة نحطوه في قسم الانعاش متاع القلب وهو مسلسل في فرشو… حتى تشاوسيسكو وڤوبلز ماعملولهمش هكة… خاطر شبهة الأم تبكي والبو يبكي والمرا تبكي والأولاد يبكيو…
القاضي الي نحترموه وفوق راسنا مالفوق كيفاش يحول الشبهة لدليل دامغ ؟؟؟ فمة طريقة وحدة: تقرير الخبراء… تقرير الخبراء الي في قضية الرضيع متاع سوسة تعمل وتقدت النتائج في نهارين… هوني في حالة ڤابس التقرير ماتعمل كان بعد شهر… شهر ومواطن بريئ حتى تثبت ادانته مرمي في الحبس والا مسلسل في فرش سبيطار… تهمتو الوحيدة انو حاول يداوي مريض وينقذو مالموت… ترضاو ياتوانسة يصير هكة في طبتكم ؟؟ رانا ولادكم واخواتكم وصحابكم واحنا الي تلقاونا وقت المصائب… ترضاو نتمرمدو هكة فقط خاطر فمة شبهة ؟؟ باهي نتصورو لو كان التقرير يقول مافماش غلطة شنوة نعملو للراجل الي تحطم نقولولو ديزولي ؟؟؟ وقت يظهر الحق للحديث بقية… وماناش باش نسكتو.

شاهد أيضاً

بهدوء شديد وباش مايغلطوكمش

ماهر العباسي ليبيا فيها زوز قوى ⇐ الشرق الي هو تابع حفتر القريب من الإمارات …

أكثرشي مالوضوح هذا ؟

ماهر العباسي • حزب الرئيس يتهم رئيس الحكومة والأمن الرئاسي بمحاولة إنقلاب. • نبيل القروي …

اترك رد