fbpx
الأحد , ديسمبر 5 2021

فضيحة أخرى للخطوط التونسية في مطار صفاقس

إلياس القرقوري
رحلة مبرمجة من مطار صفاقس.. باتجاه مطار شارل ديغول بفرنسا.. توقيت الرحلة من المفروض التاسعة صباحا.. المسافرين من الـ 7 متاع الصباح في المطار بالطبيعة.. اعلموهم وبكل برودة دم ان الرحلة ستتأخر الى الساعة الرابعة عصرا… عاااادي..
المواطنين اللي جاو من ديارهم رجعوا واللي جاو من الولايات الأخرى بقاو مطيشييين… عاااادي…
المسافرين الأعزاء للواحدة بعد الزوال يتصلون بالمطار… والمطار ما ناقصو كان يحلف بالطلاق اللي الرحلة ثابت انها في الرابعة بعد الزوال…
المسافرين في المطار من الساعة الثانية ليجدو ممثل الخطوط التونسية وهو يعلمهم بأن الرحلة ستتأجل لأجل غير مسمى.. وطلب مشكور من المسافرين انهم يمدوه بأرقام هواتفهم للاتصال بهم قبل بساعة من رحلة لا يعلمون موعدها…
بعد قليل تم الاتصال بهم وقالولهم بالحرف الواحد.. براو ارقدوا على رواحكم الليلة ما ثمة شي…
ناس عندها التزامات وخدمة وقراية وسخط وهم وشوف وشوفوا الخطوط التونسية كيفاش تتصرف…
الحاصيلو حالة غضب شديد في صفوف المسافرين وعايلاتهم… ولا من مجيب ولا من رد قدرت عليه الخطوط التونسية… كان برة ارقدوا…
يرقد سعودكم الحاصيلو وسعود اللي عينكم… فضحتونا لين ولات الفضيحة تستعار منا… كان جات الدنيا دنيا راكم في الحبوسات.. مسؤولين ما تطمانش تخليهم يعسوا حتى على زريبة متاع غنم.

شاهد أيضاً

حدثَ هذا منذ ربعِ قرنٍ عندما كنتُ ماركسيًّا: عاملٌ علّمني كَمْ يَزِنُ القرآنُ في قلوبِ المؤمنينَ!

محمد كشكار مواطن العالَم عاملٌ صديقٌ كان في خلافٍ مع زوجته، استنجدَ بنا -أنا وصديق، …

دراويش القومية أو حماقات عروبيي الإقليم

أبو يعرب المرزوقي (رسالة إلى الصافي سعيد) كانت زيارة أردوغان الأخيرة إلى تونس والكلام على …

اترك رد